Tíðindi \

Fremmandur nummar 3 \ 13-03-2006
Lagið ”Fremmandur” var leygarkvøldið nummar 3 á 15 teim bestu. Eftir at hava verið roynt sum eykalag, kom ”Fremmandur” inn á eitt 8 pláss, og er nú also eftir tveimum vikum longu nummar 3. ”Timburmenn”, sum varð fyrsta lagið av ”Koma”, ið royndi seg á listanum, fekk góðar 12 vikur, við einum 4. plássi sum besta úrslit. Men ”Fremmandur” hevur also longu eftir tveimum vikum, gjørt tað betri enn timburmenninir. Fyri at atkvøða fyri ”Fremmandur”, farið so her

Koma á myspace \ 06-03-2006
Petur Pólson hevur fingið sær eina síðu á heimsumfevnandi heimasíðuni hjá myspace. Á hesi síðu eru m.a. 4 løg av "Koma" at hoyra, umframt annað gott. Vitjið hesa síðu á http://www.myspace.com/peturpolson



Fremmandur á 15 teim bestu \ 06-03-2006

Tó at Petur ikki er beinleiðis fremmandur á 15 teim bestu, er lagið ”Fremmandur” hesa vikuna eykalag. Hetta er næsta lagið av fløguni ”Koma”, sum skal royna seg, og tað ber til at atkvøða fyri lagnum her.

Fremmandur kom inn á eitt flott 8. pláss á listanum hjá UF.


Timburmenn dotnir av \ 05-03-2006

Eftir slakar 13 vikur inni á listanum á 15 teim bestu, datt lagið ”Timburmenn” av. Fløgan ”Koma” varð tilnevnd tvær Planet virðislønir í januar mánaða, og hetta eru menn sera takksamir fyri, og vilja samstundis nýta høvið at ynskja øllum teim vinnandi tónleikarunum tillukku.

Upprunaligir Timburmenn \ 27-11-2005

Vit hava fingið loyvi frá Símun úr Konoy at leggja upprunaligu útgávuna av lagnum "Timburmenn" á okkara heimasíðu, og tað eru vit sera rørdir og takksamir fyri. Far inn og lurta eftir lagnum undir "miðlar/tónar".


Símun úr Konoy

Timburmenn á 7. plássi \ 26-11-2005

Fyri tveimum vikum síðani var "Timburmenn" fyrsta lagið av "Koma" sum varð roynt sum eykalag á 15 teim bestu. Lagið megnaði at koma innar á einum 12 plássi. Hesa vikuna er lagið klovið upp á eitt 7. pláss. Tað ber til at atkvøða fyri lagnum her

Brot úr Koma online \ 15-11-2005

Vevmeistarin hevur lagt brot úr øllum løgunum á ”Koma” á heimasíðuna. Farið og vitjið ”miðlar” og síðani ”tónar” so ber til at hoyra 30 sekunds brot úr øllum løgunum á nýggju fløguni.

\ heimasíðan \ miðlar \ tónar

Timburmenn á 15 teim bestu \ 15-11-2005

Símun úr Konoy lagið ”Timburmenn”, sum Petur Pólson hevur lagt til rættis á útgávuni ”Koma” við prominentu gestunum Niels Arge Galàn og Sámal Ravnsfjall var seinasta leygarkvøld eykalag á 15 teim bestu. Atkvøðast kann her

Koma úti um landið \ 15-11-2005

Koma hevur verið úti í nakrar dagar nú. Hon átti at verið í flestu sølubúðum nú og í viku 46 liggur ”Koma” nummar 7 á listanum hjá 3-aranum yvir mest seldu fløgur.

Undanútgávukonsert \ 01-11-2005

Koma kemur út mánadagin 7. november. Men longu leygarkvøldið 5. november verður skipað fyri eksklusivari undanútgávukonsert í Losjuni í Gøtu, har møguleiki samstundis er fyri, at ogna sær eintak av fløguni áðrenn hon kemur út.

Tað er G! Music, sum skipar fyri konsertini, sum byrjar klokkan 21, stundisliga. Kostnaður er 200 kr. og tá er eintak av "Koma" íroknað.

Les meiri um tað her.

Útgáva 7. november \ 13-10-2005

Mánadagurin 7. november er settur sum dagurin, tá Koma fer í handlarnar, men áðrenn hetta, leygarkvøldið 5. november verður útgávukonsert í Gøtu.

Nærri verður at frætta um hetta seinni

Óli Poulsen ljóðblandar \ 23-08-2005

Tað verður navnframi føroyski tónleikasnillingurin Óli Poulsen, sum skal ljóðblanda fløguna. Hetta verður gjørt niðri í Keypmannahavn, har Óli heldur til. Óli hevur seinastu mongu árini havt ein fingur við í eini ørgrynni av føroyskum tónleikaútgávum, eins væl og altjóða, og á AME tiltakinum, sum varð hildið í Norðulandahúsinum fyrr í ár, vann Óli virðisløn fyri besta prodúsara. Bogi og Petur fara til Keypmannahavnar í september mánaði, har arbeiðið er sett at byrja tann 15. sept.

Tutl gevur út \ 14-08-2005

Tað verður plátufelagið Tutl, sum gevur fløguna xKomax út. Enn er ikki nakað neyvt dato sett á, men væntandi verður útgávan í september ella oktober mánaða. Uni Árting og Niels A. Galàn fara at sniðgeva og framleiða húsan.

Bogi á Lakjuni prodúsari \ 14-08-2005

Bogi á Lakjuni er prodúsari á fløguverkætlanini xKomax, sum Petur Pólson stendur fyri. Bogi hevur ikki áður roynt seg í júst hesum leikluti. Hann skuldi upprunaliga spæla guitar á fløguni, men sat eisini og arbeiddi við pro-tools, sum hann sjálvur átti, og menn vórðu so mikið væl nøgdir við ljóðið, Bogi fekk skapt at arbeiða við, at nátúrligi endin av tí var, at Bogi gjørdist prodúsari umframt at vera upptøkustjóri.

Nýggj heimasíða \ 11-08-2005

Í næstum fer Petur at kunngera nýggja heimasíðu. Hon verður á sama stað, sum tann undanfarna: http://www.peturpolson.com. Ta fyrru síðuna gjørdi Eiler Hansen, og varð hon ætlað sum eitt slag av brellbita meðan fløguarbeiði var í gongd. Tá hetta nú er um at vera liðugt, hava menn gjørt av at koma við eini nýggjari síðu, sum fyrst og fremst skal lýsa fløguna xKomax, teir sum hava spælt hana, arbeiðið at gera hana, frá venjingum til útgávu, og annað fittligt tilfar. Tað er Uni Árting, sum hevur sniðgivið hesa nýggju síðu. Myndatilfarið er frá xKomax arbeiðnum. Teir, sum hava tikið hesar myndir eru: Uni Árting, Petur Pólson, Eiler Hansen, Niels Jákup í Jógvanstovu, Knút Háberg Eysturstein og onnur.